ភ្នំពេញ ៖ នគរបាលមួយរូបដែលគេស្គាល់ថា អធិការងខណ្ឌដង្កោ បានដកកាំភ្លើងបាញ់គំរាមប្រជាពលរដ្ឋចំនួនមួយគ្រាប់ ដើម្បីឱ្យគេស្គាល់ ’’ខ្លួនជានរណា’’ ។ហេតុការណ៍នេះបង្កការភ្ញាក់ផ្អើល កាលពីវេលាម៉ោង១០និង៣០ នាទីយប់ថ្ងៃទី៣០ ខែមិថុនា ឆ្នាំ២០២៥ ស្ថិតនៅចំណុចភូមិកន្ទោកជេីង សង្កាត់កន្ទោក ខណ្ឌកំបូលរាជធានីភ្នំពេញ។
យោងតាមព័ត៌មានពីជនរងគ្រោះឈ្មោះ ផល លីហា ជាជាងចាក់សាក់ បានឲ្យដឹងថា មុនពេលកើតហេតុ គាត់បានជិះម៉ូតូទៅទិញទឹក ហើយត្រឡប់មកវិញឃើញជនបង្កអង្គុយផឹកស៊ីនៅមុខផ្ទះ។ ប៉ុន្តែភ្លាមៗនោះ លោក ទូច សេងហ៊ នគរបាលរូបនេះបាន បោះពាក្យសម្ដីថាអោយយុវជនឈ្មោះ ផល លីហា ជាជាងចាក់សាក់ថា‘’កុំជិះម៉ូតូលឿនស្គាល់អញ់ អត់បេីមិនស្គាល់ បន្តិចទៀតនិងស្គាល់ច្បាស់ហើយ‘’ ។ បន្ទាប់មកជនរងគ្រោះបានចូលទៅក្នុងតូបវិញបាត់ប្រហែលបានមួយសន្ទុះក្រោយមកស្រាប់តែលឺស្នូរ កាំ..ភ្លេី..ងផ្ទុះ១គ្រាប់ ដែលឈ្មោះទូច សេងហ៊ បានបាញ់គំរាម។
បន្ទាប់មកសមត្ថកិច្ចក៏ចុះដល់ទីតាំងខាងលើ ដោយរកឃើញសំបកគ្រាប់១គ្រាប់ ដែលជនបង្កបានបាញ់នោះ រួចក៏នាំខ្លួន អធិការរង រូបនោះ ទៅប៉ុស្តិ៍ដេីម្បីសាកសួរតែម្ដង។
