ខណ្ឌពេាធិសែនជ័យ ៖ ប្រជាពលរដ្ឋទទូចស្នើរសុំឲ្យអាជ្ញាធរសង្កាត់ចោមចៅទី៣ ខណ្ឌពោធិ៍សែនជ័យរាជធានីភ្នំពេញ និងអង្គភាពជំនាញពាក់ព័ន្ធចុះបិទទីតាំងណេតស្ថិតនៅក្នុងទឹកដី សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ!
តាមប្រភពប្រជាពលរដ្ធ បានលើកឡើងថា ការបើកដំណើរការទីតាំងណេតស្នុកឃ័រស្ថិតនៅភូមិត្រពាំងពោធិ៍ សង្កាត់ ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ការបើកឱ្យលេងល្បែងស៊ីសងណេតស្នុកឃ័រតាមអនឡាញនេះ ត្រូវបានគេមើលឃើញថា ជះឥទ្ធិពលអាក្រក់ដល់សង្គមយ៉ាងធ្ងន់ធ្ងរ ដោយពិនិត្យមើលឃើញពីផលប៉ះពាល់បែបនេះ ទើបថ្មីៗនេះ ប្រមុខរាជរដ្ឋាភិបាលកម្ពុជា បានដាក់ចេញនូវបទបញ្ជាយ៉ាងដាច់ណាត់ឲ្យមន្ត្រីថ្នាក់ ក្រោមជាតិ អនុវត្តឱ្យខានតែបានដោយមិនយោគយល់ ចំពោះល្បែងស៊ីសងគ្រប់ប្រភេទ ពិសេសផ្ដោតទៅលើល្បែងស៊ីសងតាមអនឡាញនេះតែម្ដង ដែលធ្វើឲ្យប៉ះពាល់ដល់សង្គម និងប្រជាពលរដ្ឋ ព្រោះថា តំបន់ដែលមានល្បែងស៊ីសងតែងតែកើតមានឡើង នូវអំពើ និងបទល្មើសផ្សេងៗដូចជា ចោរលួច ចោរប្លន់ អំពើហិង្សាក្នុងគ្រួសារ។
សូមបញ្ជាក់ផងដែរថា: ល្បែងណេតស្នុកឃ័រតាម Online រាជរដ្ឋាភិបាលពុំមានច្បាប់អនុញ្ញាតិនោះទេ។
ប្រជាពលរដ្ឋស្នើដល់ ឯកឧត្តម ឃួង ស្រេងអភិបាល នៃគណ:អភិបាល ក្រុងភ្នំពេញ និងស្នងការនគរបាល រាជធានីភ្នំពេញ ឯកឧត្តមជួន ណារិន្ទបើកការ ស៊ើប អង្កេតនៅតាមតំបន់ទីតាំង និងវាយតម្លៃផលប៉ះពាល់ពីបទល្មើសនិងចាប់អ្នកដែលពាក់ព័ន្ធផលនៃបទល្មើសទាំងនោះ មកផ្តន្ទាទោសតាមផ្លូវច្បាប់។
